مين يقدر ميحبش البنات!!

مين اللى يقدر ميحبش البنات...وخلفة البنات ده حتى المثل بيقول ان البنات رزق
اقرا القصة دى وانت هتصدقنى
موظفة فى احدى الشركات جميلة جدا ومثقفة وكلها نشاط وحيوية وخير واصل لكن قربت
من التلاتين ولحد دلوقتى متجوزتش!!...سالها الزملاء والزميلات عن السر قالت
ان كان فيه ست غلبانة قوى عندها خمس بنات جوزها هددها انها لو ولدت المرة الجاية بنت
هيتخلص منها المهم ان الست للاسف ولدت برضو بنت للمرة السادسة الراجل عمل بكلمته
وخد البنت الرضيعة وحطها قدام باب جامع باليل...
تابعها لحد صلاة الفجر وبرضو لقاها موجودة محدش خدها رجعها معاه البيت تانى وكل يوم
يحطها قدام الجامع ويلاقيها الفجر محدش خدها..زهق الراجل ورجعها البيت والام فرحت..
الام بعد شوية حملت تانى ولكن جابت ولد المرة دى واول ما الولد شاف الدنيا البنت الكبيرة ماتت!!
حملت بولد تانى وماتت البنت التانية فى الترتيب وهكذا وكل ما تحمل فى ولد تموت بنت من البنات الخمسة
وفضلت البنت السادسة اللى كان عايز الاب يرميها قدام الجامع مع خمس ولاد ماتت الام وكبر الولاد
والبنت كبرت معاهم ..
الموظفة فاجأت الناس وقالت انها هى نفسها البنت السادسة!!!
قالت انها متجوزتش لحد دلوقتى عشان والدها ملوش حد يرعاه وكل واحد من اخواتها يعنى بيزوره
كل شهر او اتنين وهى عايشة معاه بتخدمه وتراعيه وكل ما يبص لها يعيط ويندم ندم عمره على موقفه
منها اول ما جت الدنيا!!!
ســــاره