ياترى التقل عيب ولا صنعة؟؟

ياترى مين اول واحد قال(التقل صنعة)؟؟..مين اللى وصل بدماغه وتفكيره للمعلومة

دى وحلل قدرة البشر على اخفاء رغباتهم وحبهم جواهم وتلاقى الواحد او الواحدة من دول

هتموت وتتكلم بس مع الشاب اللى قدامها وبقدرة قادر سبحان الله كده تلاقيها بصت له من

فوق لتحت وسابته ومشيت!!!

ويقوم صاحبنا المسكين يفكر انها مش واخدة بالها منه خالص وانها ولا فى دماغها!.

كلام كتير يدخل فى صلب الموضوع له..عبارات كتيرة بتتقال فى تجمعات البنات

والشباب..نصايح يقدمها كل واحد فاكر نفسه فاهم وواعى..من عينة((طنش البنت

تحبك..حب البنت تطنشك))!! والبنات بينهم وبين بعض يقولو((الشاب زى ورق البوسته

..يمكن يلزق فيكى)) موضوع التقل وصنعته والقدرة على اخفاء المشاعر حتى لو كانت واصلة لمرحلة
العشق والدوبان موضوع يخص الشباب والبنات...

نااس بتقول ان السبب اللى بيخلى اى بنت فى الدنيا تتدارى مشاعرها الحقيقية ممكن ميكونش التقل

لكن خبرات البنات بشكل عام فى المجتمع بتقول انها لو اتدلقت فى حب واحد وبينت مشاعرها

الحقيقية هيستهتر بيها ويطمن انها دايبة فيه وممكن ده يخليه يتغير وميقدرش مشاعرها وكمان

ممكن يعرف عليها واحدة تانية مطنشاه لان الحاجة السهلة بتخلى البنى آدم يطمع!!!

راى تانى بيقول ان عمره ما تقل على اى واحدة ولا برضو رمى نفسه على واحدة

لان الحكاية مش مستاهلة..لو حس بالحب الحقيقى هيصارح ويقول ومش هيدارى

مشاعره لان اكيد البنت اللى هيحبها هتبقى مقدرة المشاعر دى واكيد هتبقى بنت محترمة

مستحيل يقولها انه بيحبها وهى تتقل عليه!!!

لاحظو ان الرأى الاول رأى بنت والتانى رأى شاب

ياترى بقى انتو رأيكو ايه؟؟؟؟
ســـــاره