الدم ده دمى!!

من طرف Roma الخميس مايو 17, 2007 4:08 am

اتنين شباب من اصحابنا عاشوا قصة مرعبة جدا..بدأت القصة لما كانوا راجعين من سفاجابعربية واحد منهم..كانت العربية بتخترق سواد الليل والطريق الضلمة الموحش جدا بسرعة جدابسرعة جنونية..وفجأة ظهرت فى الطريق ست عجوزة فجأة قدام العربية ومقدرش اللى سايق يتحكمراح خبطها!..نزل بسرعة لقاها مليانة دم ..خدوها بسرعة ودوروا على اى مستشفى قريب لكن ملقوش اى مستشفى ..قبل ما الصدمة تلعب بيهم بصوا وراهم فى العربية مالقوش العجوزة خالص..اختفت!.. سيطر عليهم الذهول وخافوا جدا من اللى بيحصل..نزلوا يستريحوا فى كافيتريا على السريع وحكوا الحكاية لواحد هناك..دلهم على شيخ فى قرية صغيرةاداهم شوية آيات قرآنية ملفوفة عشان تحميهم من الاشباح.نصحهم يكملوا طريقهم ويبعدوا عن المنطقة دى خالص..اخيرا واصلوا طريقهم وبدأوا ينسوا اللى حصل وفجأة ظهرت العجوزة تانى فى العربية فى نفس المكان..خافوا واترعبوا..حاولوا يكلموها عشان تسامحهم واترجوها تعفو عنهم...ضحكت العجوزة ضحكة مرعبة وقالت انهايمكن تسامحهم بس لو شربوا من الدم اللى على هدومها ونضفو الهدوم اللى هى لبساها عشان تقابل جوزها...الشابين قالوا:مستحيل مستحيل...ردت العجوزة وهى بتضحك:مع تايد فى الغسيل مفيش مستحيل!