****حاجة رخمممممممممممممة*****

من طرف **sha5abet** الأربعاء مايو 09, 2007 10:50 am

ارخم احساس ممكن تحس بيه في حياتك هو احساس الانتظار
احساسك وانت مستني واحد صاحبك او بنت صاحبتك في ميدان التحرير لحد الساعه 5 وانتو اصلا معادكو 3.30 وكل ما تتصل بيها تقولك " انا في الطريق والله " لحد ما تلاقي واحده في موبايلك بتقولك " عفوا لقد نفد رصيدكم "؟

وانت داخل مطعم كباب وكفته وتقعد مستني الاكل يجيلك لحد ما تزهق وتلقط السلطه وتغمس الطحينه بالعيش اللي هو حاططهولك ولو جه الكباب تاكله وانت شبعان؟

وانت واقف في طابور كليتك مستني تاخد الكتب او تدفع المصاريف

وانت قاعد في البيت مستني نتيجه الترم

وانت رايح تقدم على شغل والراجل المسئول يقولك " استناني ثواني"؟

وانت متاخر على كليتك او شغلك وتقف مستني 9ج

وانت راجع من القهوه مع اصحابك الساعه اتناشر بالليل وهتركب المترو تقف مستنيه تلت ساعه ده غير عشر دقايق في كل محطه ونص ساعه في التحرير عشان ده اخر مترو متجه الي محطه شبرا الخيمه

وانت سايق عربيتك الساعه 9 بالليل في شارع التحرير او الساعه 2.30 في شارع البستان او بعد صلاه العيد في جامعه الدول او في اي وقت فوق كوبري اكتوبر

وانت بتفتح الكمبيوتر بتاعكلما يهنج منك

وانت بتحمل اغنيه لام كلثوم من ع النت

وانت مستني شهاده الاعفاء من الجيش