كام رمسيس فى البلد؟؟
2 مشترك
صفحة 1 من اصل 1
كام رمسيس فى البلد؟؟
حسيت قبل كده انك شبه تمثال رمسيس! واقف فى مكانك والدنيا بتلف حواليك
والناس بتتفرج عليك من قديم الازل وتضحك وتسيبك وتمشى وكل واحد
يروح فى حاله وانت لسه واقف!!
حتى الوقوف والثبات فى مكانك محدش عايز يسيبك فيه وتلاقى حواليك ميه
وخمسين لجنة عايزين يشوفوا لك مكان جديد تقف فيه وتكمل رحلتك مع الصمت..
طبعا حجتهم ان صحتك ممكن تتأثر فى المكان الاولانى ده واللى معدتش ينفع
خلاص بعد ما اصبح زحمة ودردشة وضوضاء ودخان وعامل زى السويقة.
وفعلا خدوا القرار وقرروا يشيلوا سعادتك وينقلوك لحتة تانية بعيد ولسه يادوب
بتقول يا عمار...هتروح هناك سعادتك وهايحطو تحتك وفوقك تكييف عشان
ما تحسش بأى حر ولا اى مشكلة تخليك تزهق من وقفتك وان كان على
الناس اللى انت خدت عليهم وعلى زحمتهم حواليك وشهقتهم وهما بيتفرجوا عليك وعلى
وقفلتك وطلعتك البهية متخفش يا معلم كلها خمس ست سنين كده وتلاقيهم حواليك
من تانى يا باشا لا وايه المرة دى هيبقو خواجات من كل حتة فى العالم ...
هيتصورو معاك ويقفو جنبك فرحانين بس برضو هايسيبوك ويمشو.
الموضوع الصراحة متعب جدا والتفكير فيه ممكن يخليك تكتئب وتزعل وتقفل على نفسك اكثر بس
الصراحة لازم تفكر عشان لو الكاية مش عاجباك يبقى من بدرى متحطش نفسك فيها
الحق نفسك قبل ما تبقى مزار تاريخى ...تمثال واقف وساكت وملازم مكانه والدنيا
بتتحرك حواليه ومستنى الونش يشيله عشان ينصفو مكانه ويفكوه بأى حجة
ســــاره
رد: كام رمسيس فى البلد؟؟
ده انتى لو عديتى فى كام رمسيس
هتلاقى مصر كلها رمسيسات
ايوة يابنتى احنا بلد حضارية عندها حضارة وتاريخ
هههههههههه
هتلاقى مصر كلها رمسيسات
ايوة يابنتى احنا بلد حضارية عندها حضارة وتاريخ
هههههههههه
شاهيستا- عضــــــو فعال
- عدد الرسائل : 28
تاريخ التسجيل : 26/04/2007
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى