لف وارجع تانى!!
2 مشترك
صفحة 1 من اصل 1
لف وارجع تانى!!
تعرف يعنى ايه انك تبدأ من جديد؟؟
تفتح صفحة جديدة وتنسى اللى فات وتهمل...(شيفت ديليت)لكل الملفات القديمة المليانة حرقة اعصاب
وتعبت ايامك وما عدتش ينفع ابدا انك تفضل زى ما انت!!
الحكاية ممكن تكون صعبة خاصة ان مفيش حد حواليك مهتم ان يبدأ من جديد ولا فى دماغه اصلا هو فيه جديد
ولا قديم وتحس ان حياته بقت زى شريط الكاسيت اللى فيه اغنية واحدة بس كل ما تخلص تشتغل من جديد حتى
لو الشريط سف برضو تفضل شغالة هى هى.
من ناحية تانية ياترى ايه الدافع القوى جدا اللى ممكن يخليك تفكر تبدأ تانى من جديد؟
وايه اللى ممكن يقنعك من غير ضغط ولا فوران اعصاب ان الحكاية كده بوخت ولازم ترجع من الاول وتصفر
العداد عشان تقدر تستمر...
فى واقع المدفعية دى بس ممكن الحكاية كلها تحصل بمجرد اشارة احساس جواك لوحدك هيقولك كفاية لف وارجع تانى
الاحساس ده اكيد هو اللى ممكن تعتمد عليه فى وسط كل الظروف دى..
مش هاتيجى من حد تانى ...انت نفسك اللى هتعرف وتحس وانت برضو المطلوب منك تتحرك لما تحس الاشارة لان لو ده
محصلش الاشارة ممكن ما تجيش تانى وتمشى القافلة وتسيبك واقف مكانك!
طب تعرف ازاى ان دى الاشارة وانها صحيحة ومش جاية فى وقت غلط ولا مغشوشة..كل واحد اكيد عند مؤشر هو لوحده
بيتحكم فيه ولو المؤشر وصل لأعلى معدل وانت كالعادة طنشت وكبرت دماغك وما حستش ان هى اللحظة الحاسمة..صدقنى
ها تفضل زى ما انت..محلك سر..زى ما انت والله ما انت قايم من مكانك ...والناس هتلف وتروح وترجع وتعيش وتتجوز وتخلف
ويعمروا اراضى ويبنوا دول وانت سيادتك قاعد زى ما انت فى نفس الدايرة اللى طردتك من شوية وانت رفضت تتحرك وكسلت تبدأ
من جديد...قبل ما يفوت الاوان..لف وارجع تانى!
ســـاره
رد: لف وارجع تانى!!
طب واللى مش عايز يلف يعمل ايه؟؟
هههههههه
هههههههه
شاهيستا- عضــــــو فعال
- عدد الرسائل : 28
تاريخ التسجيل : 26/04/2007
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى