صديق الكسل..صفر ع الشمال!

زى كل مرة عنندى كلام رخم ..الكلام المرة دى قاسى شوية وصعب حبيتين ورخم رخامة
(بس مش اكتر منى بطعا) انما اكيد مهم وفيه منه فايدة لو كل واحد فكر فيه بإيجابية وتركيز...
هنحكى قصة الصفر اللى على الشمال...وايه اللى خلاه ياخدهدايما مكانه فى الشمال...
الاهم من الحكاية دى هنعرف مع بعض ازاى الواحد مننا يكون الخالق الناطق صفر على الشمال
وامتى تعرف انك يادوب صفر على الشمال لا يتقدم ولا يتأخر نصيحة اعرف قبل فوات الاوان
عشان تقدر تنقذ نفسك!!
البنى آدم اللى شبه الصفر على الشمال هتلاقى عنده قدرات وقابلية للتقدم بس مشكلته انه كتير
الحجج والاعذار طبعا عشان يتنصل من اى مسئوليه..
هتلاقيه عنده قلب واحساس وممكن اوى بسهولة يبقى قادر على العطاء بس ازمته انه بارد التفاعل
رغم المواقف اللى بتنفجر قدام عينيه ومحتاجة اى تصرف!
صاحب الصفلا على الشمال ممكن يخطط احيانا ويحط اهداف قدام عينيه لكن المشكلة انه مش
بينفذ اى فكرة منها ولا يحقق اى هدف قدامه وكل الاهداف والافكار دى بتبقى متعلقة فى الهوا
كل اللى يلاحظه اخونا ابو صفر على الشمال هو مشاكل الاخرين وخصوصا المعوقات اللى
واقفه فى طريقهم وتلاقيه دايما ما يبطلش تقطيم فى الناس ونقد كل افعالهم!
ساعات كتيرة بتصادفه فرص ممكن تحقق له النجاح بس المشكلة انه مش بيرفع راسه ابدا ودايما
يقارن نفسه باللى اقل منه!
هتلاقى صفاته الرئيسية هى التخاذل والسلبية والتكاسل وعدم المبادرة وضعف الذات وعدم الثقة بالنفس!!
هى دى مواصفات الصفر ع الشمال لو فيك اى صفة منها سايق عليك كل الناس اللى بتحبهم
تخلص منها قبل فوات الاوان عشان نفسك وعشان مصلحتك!!
ســـاره