اكتر حاجه بتخلي الشباب المصري مبسوط؟؟

من طرف **sha5abet** الثلاثاء مايو 01, 2007 2:19 pm

"]لما ابوه يقوله على اي حاجه برافو عليك ايوه كده..

لما يفتخر بيه قدام اي حد " عارفين الزباله اللي كانت في الشارع؟ ابني اللي لمها"؟؟

لما يكون بيكلم بنت على النت وتقوله انت ظريف اوي

لما يعرف ان النهارده جاي فيلم جديد على روتانا مشافوش قبل كده

لما يعرف انه كسب حتي علبه سجاير في اي سحب

لما يجيب قميص جديد وينزل بيه اول يوم

لما يخش امتحان الكليه يلاقيه جاي من الصفحتين اللي ذاكرهم امبارح

لما يكون قاعد على شات ياهو ويلاقي بنت باعتالو ممكن نتعرف

لما يحب يروح اي مكان ويلاقي الاتوبيس جه بسرعه

لما يلاقي الاتوبيس ده فاضي

لما يكون متاخر مع اصحابه على القهوه ومش عارف هيروح ازاي ويلاقي فجاه ميكروباص بينادي جيزه اول الهرم

لما يكسب ماتش على البلاي ستيشن او فيفا 2007

يوم عيد ميلاده لما يلاقي اقرب بنت ليه بتقوله الساعه 12.01 "كل سنه وانت طيب"؟

لما يتخانق مع حد اضخم منه وبعد ما يخلص يلاقي بنت بتقوله كنت هايل

لما واحده تقوله على فكره انت صوتك حلو اوي

احمد

من طرف شاهيستا السبت مايو 05, 2007 8:57 am

والله لو فعلا هو كده
يبقى انا مشوفتش اهيف من الشاب المصرى
طبعا ده البعض مش الكل وشكرا يا احمد ع الموضوع

من طرف **sha5abet** الأربعاء مايو 09, 2007 10:53 am

ماشى ياشاهيستا احنا هيفين
ههههههههههههههه

من طرف شاهيستا الخميس مايو 10, 2007 2:36 am

اه لو كده تبقو اهيف من الهايفين كمان tongue

رد: اكتر حاجه بتخلي الشباب المصري مبسوط؟؟