ازاي تتاكد انك اهلاوي فعلا؟؟

من طرف **sha5abet** الثلاثاء مايو 01, 2007 1:36 pm

ازاي تتاكد انك اهلاوي فعلا؟؟

لما تكون قاعد تتفرج على اي ماتش للاهلي وانت حاسس انك كسبان كسبان

لما يتقالك ان الاهلي هيلاعب برشلونه او مانشستر او اي فرقه ومتستغربش ومتقولش "يبقي هنشيل الطين"؟

لما ييجي الاهلي يلاعب الزمالك تحس انه ماتش مع تليفونات بني سويف

لما تكون قاعد مع حبيبتك اللي لسه جايه من السفر ومشفتهاش من شهرين وتخليها تروح الساعه 5 وانتو اصلا متقابلين 4 عشان في ماتش للاهلي

لما تحس انك نفسك تعيط لو الاهلي اتعادل

لما تحس بالسعاده لما عصام الحضري يمسك كوره خطر

لما تحس بالسعاده لما الزمالك يخسر ماتش مهم

لما تحس بالحزن لما بركات او ابو تريكه او وائل جمعه اتعور

لما تتنكد بقيت اليوم لو حصل مره والزمالك اتعادل مع اشبال الاهلي

لما تكون بتحب الارسينال

لما تكون بتحب برشلونه

لما تكون بتكره حماده امام

لما تطفي التليفزيزن لو اشتغل برنامج الهدف او بانوراما الرياضه

لما تحس بانك عايز ترجع لما تسمع فاروق جعفر

لما تحس ان الدوري بقي ملكك

لما متحبش تلبس احمر الا التي شيرتات الرياضيه

لما تكون اكتر متعه كوميديه ليك لما تتفرج على عبد المنصف وهو بيجري من نص الملعب ورا لعيب تاني

لما تضحك وانت بتفتكر بيبو وبشير او بشير وسيسيه او وائل القباني وجلبرتو او جلبرتو وبشير برضه

لما تحس انك عايز تتف لما تفتكر لما بشير جاب جون في الاهلي من ضربه حره وبعدين جه ورجع على شاشه الكاميرا

لما تكون بتفهم في الكوره

ايه الفرق بين الاهلاوي والزملكاوي

الاهلاوي بيفهم كوره

الاهلاوي كلمته قبل ماتش الزمالك " يارب 5 بقي مش 2 " لكن كلمه الزملكاوي " ربنا يستر بقي المره دي"؟

الاهلاوي ممكن يتكلم في الكره العالميه الزملكاوي لا

الاهلاوي حافظ اللعيبه المصريين وغير المصريين ياساميهم الزملكاوي عارف الارقام او ميعرفهمش

لعيبه الاهلي مؤدبه ما عدا عماد متعب ولعيبه الزمالك بلطجيه ما عدا حازم

الاهلاوي عنده الحضري الزملكاوي عنده عبد المنصف

الاهلاوي نفسه ياخد كاس العالم للانديه الزملكاوي نفسه ياخد كاس مصر

الزملكاوي نسي الدوري

الاهلاوي مش بيرد على الزملكاوي الا وهو بيضحك عليه والزملكاوي بيتنطط من الغيظ

الاهلاوي لما حد بيساله انت اهلاوي ولا زملكاوي بيقول "اهلاوي طبعا "الزملكاوي بيقول "للاسف زملكاوي" او "مبفهمش في الكوره"؟

الاهلاوي مبقاش يسال " اهلاوي ولا زملكاوي"؟ بقي بيقول "اهلاوي طبعا"؟

الاهلاويه بيعرفو يعملو الموجه الزملكاويه بيتخانقو

في ماتش الاهلي والزمالك بتلاقي تلتين الملعب اهلاويه وربع امن وشويه زملكاويه

الزملكاوي دايما شايف ان الحكم م...... (مش بيعدل يعني)؟

الاهلاوي ممكن يجيله بلن ظلم يقول لا ده ظلم مش بلن.. الزملكاوي مبتفرقش معاه

الزملكاوي بيكره المنتخب عشان كله اهلي

الزملكاوي عنده حماده امام وطارق الادور الاهلاوي عنده مدحت شلبي وميمي الشربيني وحاتم بطيشه ومحمود بكر و..........؟

الاهلاوي بيحب نفسه الزملكاوي بيكره نفسه

ahmed

من طرف شاهيستا السبت مايو 05, 2007 8:52 am

ههههههههههههههه
خلاص اتأكدت انى مممممممممم
مليش فى الكورة اصلااااااااا
ميرسى يا احمد على الموضوع

من طرف **sm_sm** الأربعاء مايو 09, 2007 10:38 am

انا بقى اتأكدت انى اهلاوى فعلاً

رد: ازاي تتاكد انك اهلاوي فعلا؟؟