حصاوي وكليوباترا
صفحة 1 من اصل 1
حصاوي وكليوباترا
( حصاوي علي المقهي يقرأ الصحيفة )
حصاوي: قريتوا الخبر ده؟ لقوا قطعة نقدية من عصر كليوباترا وعليها صورتها وشكلها وحش يعني عكس ما كنا فاكرين خالص.
زبون1: فعلا كل اللي مكتوب عنها أنها كانت جميلة وعشان كده وقع مارك انطونيو في غرامها.
حصاوي: مش دا معناه أننا لازم نراجع التاريخ؟
زبون2: انهي تاريخ؟
زبون3: كل التاريخ مره واحدة؟ دي حاجة تقلق.
حصاوي: تقلق ليه؟
زبون1: إحنا فهمين الواقع اللي أحنا عايشينه عشان ندور ع الماضي؟
زبون2: ما بلاش نتكلم ع الماضي. دا الماضي دا كان كله جراح.
زبون3: كلمني عن بكره وأبعد عن أمبارح, بخاف من الذكري وسهمها الجارح
حصاوي: بس أنا عايز أقول...
زبون1 مقاطعا: لا تقول ولا أسمع, هو اللي فات يرجع؟
حصاوي: لأ ما يرجعش, لكن لما نفهم اللي فات, نعرف اللي إحنا فيه, وبالتالي نعرف نعمل إيه عشان نخلي بكره أجمل.
زبون2: وأفرض اكتشفنا ان تاريخنا فيه حاجات كتير وحشه وكنا فاكرينها كويسة مش دا يعمل صدمة؟
حصاوي: جايز. لكن لما نعرف الحقيقة أحسن ما نعيش واحنا جاهلينها.
زبون3: فال الله ولا فالك يا أخي. أفتكر خير, ليه ما تقولش العكس؟ يعني لما نراجع التاريخ نلاقي فيه حاجات كتير كويسة وكنا فاكرينها وحشة.
حصاوي: جايز طبعا.
زبون1: خلاص نراجع الحاجات الوحشة في تاريخنا يمكن نلاقي أنها كويسه واحنا ما نعرفش.
حصاوي: ما اختلفناش بس المفروض نراجع كل شئ, الكويس والوحش.. عشان نعرف الصح من الغلط.
زبون2: سيبوا التاريخ في حاله لأن فيه وجهات نظر مختلفة وعمرنا ما نتفق عليه. خلونا نراجع الحقائق اللي في حياتنا ونشوفها صح أو غلط.
حصاوي: تقصد إيه؟
زبون3: أول حاجة لازم نراجعها, نحاول نتأكد إذا كانت الأرض بتلف حوالين الشمس ولا لأ.. مش جايز تكون الشمس هي اللي بتلف حوالينا والعلماء فهمونا غلط؟
( حصاوي يغشي عليه في الحال )
حصاوي: قريتوا الخبر ده؟ لقوا قطعة نقدية من عصر كليوباترا وعليها صورتها وشكلها وحش يعني عكس ما كنا فاكرين خالص.
زبون1: فعلا كل اللي مكتوب عنها أنها كانت جميلة وعشان كده وقع مارك انطونيو في غرامها.
حصاوي: مش دا معناه أننا لازم نراجع التاريخ؟
زبون2: انهي تاريخ؟
زبون3: كل التاريخ مره واحدة؟ دي حاجة تقلق.
حصاوي: تقلق ليه؟
زبون1: إحنا فهمين الواقع اللي أحنا عايشينه عشان ندور ع الماضي؟
زبون2: ما بلاش نتكلم ع الماضي. دا الماضي دا كان كله جراح.
زبون3: كلمني عن بكره وأبعد عن أمبارح, بخاف من الذكري وسهمها الجارح
حصاوي: بس أنا عايز أقول...
زبون1 مقاطعا: لا تقول ولا أسمع, هو اللي فات يرجع؟
حصاوي: لأ ما يرجعش, لكن لما نفهم اللي فات, نعرف اللي إحنا فيه, وبالتالي نعرف نعمل إيه عشان نخلي بكره أجمل.
زبون2: وأفرض اكتشفنا ان تاريخنا فيه حاجات كتير وحشه وكنا فاكرينها كويسة مش دا يعمل صدمة؟
حصاوي: جايز. لكن لما نعرف الحقيقة أحسن ما نعيش واحنا جاهلينها.
زبون3: فال الله ولا فالك يا أخي. أفتكر خير, ليه ما تقولش العكس؟ يعني لما نراجع التاريخ نلاقي فيه حاجات كتير كويسة وكنا فاكرينها وحشة.
حصاوي: جايز طبعا.
زبون1: خلاص نراجع الحاجات الوحشة في تاريخنا يمكن نلاقي أنها كويسه واحنا ما نعرفش.
حصاوي: ما اختلفناش بس المفروض نراجع كل شئ, الكويس والوحش.. عشان نعرف الصح من الغلط.
زبون2: سيبوا التاريخ في حاله لأن فيه وجهات نظر مختلفة وعمرنا ما نتفق عليه. خلونا نراجع الحقائق اللي في حياتنا ونشوفها صح أو غلط.
حصاوي: تقصد إيه؟
زبون3: أول حاجة لازم نراجعها, نحاول نتأكد إذا كانت الأرض بتلف حوالين الشمس ولا لأ.. مش جايز تكون الشمس هي اللي بتلف حوالينا والعلماء فهمونا غلط؟
( حصاوي يغشي عليه في الحال )
sm_sm- مشرف منتدى الالعاب والمسابقات
- عدد الرسائل : 59
تاريخ التسجيل : 21/04/2007
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى