هى الدنيا خضرا ليه؟؟؟

واحد صحى من النوم الصبح فتح عينيه لقى كل حاجة حواليه خضرا
السرير اخضر واللحاف اخضر والدولاب اخضر والباب اخضر
خرج من الاوضة لقى كل حاجة فى البيت برضو خضرا
الصالة والتليفزيون والستاير والمروحة والتكييف برضو خضرا
دخل المطبخ شاف المطبخ اخضر والسيراميك اخضر والميكروويف
حتى التلاجة بقت خضرا لبس هدومه اللى بقت خضرا وقرر يروح
للدكتور يشوف ايه الحكاية ونزل بسرعة لقى السلالم خضرا
والبواب وعياله كمان لونهم اخضر والشارع والاتوبيسات وكل حاجة
فى الدنيا خضرا خد قرار بسرعة وراح للدكتور
اول ما طلع المستشفى اللى لقاها برضو خضرا شاف الناس حواليه برضو خضرا
والمرضى اللى قاعدين فى المستشفى والممرضة اللى بتحجز الكشف
حتى الاقلام اللى كانت بتستخدمها كانت خضرا جه دوره
وفتح الباب الاخضر ودخل اوضة الدكتور لقى كل حاجة فى الاوضة
خضرا المكتب والسرير والحيطة والسجاجيد بس ركز شوية فى الدكتور
لقاه احمر!!!
المفاجأة اذهلته وقرب من الدكتور وسأله يا دكتور كل حاجة فى
الدنيا النهاردة قدامى خضرا وحضرتك الحاجة الوحيدة اللى فى الدنيا حمرا
الدكتور بص له فى هدوء وقاله يا ابنى اصل انا من نكتة تانية