العشرة بين المواطن العربى وسندويتش الفول

اشترى مواطن عربى سندويتش فول....وبدأ يستعد لكى يأكله ولكنه فوجئ بالسندويتش يصرخ...
السندويتش:ارجوك..ارجوك متاكلنيش..احنا اخوات!
المواطن:بتقول ايه..اخوات ازاى...انت اهبل؟
السندويتش:لا طبعا..بص لحالى وحالك..انا طول النهار بتقلى فى الزيت وانت بتتشوى فى الحر!
المواطن:كفاية..انا جعان وعايز آكل...ما تتعبش نفسك!
السندويتش:احنا اخوات انت ليه مش مصدق..مش ملاحظ ان انا وانت سعرنا بالدولار فى اوروبا وامريكا بس فى بلادنا سعرنا مش تمام.
المواطن:معاك حق..بس برضو مش كفاية.
السندويتش:طب بص لشكلى وشكلك..مش حاسس ان فيه شبه كبير بينا!
المواطن:تقريبا انا اقتنعت بس انت نسيت حاجة مهمة؟
السندويتش:ايه هى؟
المواطن:ما تعرفش ازاى يا عزيزى السندويتش ان فى بلادنا العربية كل واحد منا بياكل لحك اخوه..استعد عشان اكلك!!!
السندويتش(مذعور):ارجوك متاكلنيش...ارجوك لا...لااااااااااااااااااا

ســـاره