فراش فى ميكروسوفت!!

من طرف **sha5abet** الأحد مايو 06, 2007 9:25 am

يحكى انا احد الرجال تقدم لشغل وظيفة فراش فى شركة ميكروسوفت
وبعد ما عمل المقابلة الشخصية والاختبار تنظيف ارضية المكتب
قاله المدير انه خلاص هيشتغل وخلال اسبوع الشركة هتبعت له
كل المهام المكلف بيها وتاريخ بداية الشغل على البريد الالكترونى
بتاعه...اندهش الراجل وقال انه معندوش جهاز كمبيوتر ولا عندو بريد
الكترونى!
رد عليه المدير باستغراب وقاله:اللى معندوش بريد الكترونى حاليا
يبقى مش موجود اصلا!
خرج الراجل بعد ما فقد الامل فى الشغلانة...
فكر هيعمل ايه وهو عاطل ومفيش معاه غير 10 دولار!!
بعد تفكير عميق راح صاحبنا لمحل الخضار واشترى صندوق طماطم
وقعد يلف بيه فى الشوراع ويبيع فى البيوت طماطم!!!
نجح بعد اسبوع انه يضاعف راس المال وبقى معاه حوالى 100 دولار!!
حس ان هى دى الطريقة المثالية قعد يشتغل ليل نهار لحد ما الارباح بدأت
تزيد واشترى عربية صغيرة وكبرت الحكاية واشترى شاحنة كبيرة وبدأ يكبر ويكبر لحد ما بقى
عنده اسطول من الشاحنات لتوصيل الطالبات للمنازل؟..
بعد خمس سنين بقى صاحبنا واحد من اكبر الموردين للاغذية فى امريكا...
فكر يشترى بوليصة تأمين على الحياة عشان يضمن مستقبل اسرته راح لبشركة التأمين
طلب منه الموظف فى الشركة انه يديله بريده الالكترونى وسط البيانات...
رد الراجل بمنتهى البساطة وقال للموظف انه معندوش بريد الكترونى..
اندهش الموظف جدا وسأله ازاى نجحت تبنى الامبراطورية دى كلها ومعندكش
بريد الكترونى ؟؟...
تخيل بقى لو عندك بريد الكتنرونى كنت بقيت فين دلوقتى
رد الراجل صاحبنا عليه وقاله بعد تفكير
فراش فى ميكروسوفت؟؟؟؟

ســـاره